Mae RWE yn berchen/gweithredu 3 gigawatt (GW) o’r ynni a gynhyrchir yng Nghymru, ar draws 12 safle. Mae gennym bortffolio amrywiol o ynni gwynt ar y tir ac ar y môr, dŵr a nwy. Rydyn ni’n cyflogi tua 200 o bobl yn uniongyrchol (a llawer mwy yn anuniongyrchol) yn ein swyddfeydd ymroddgar ym Maglan, Llanidloes, Dolgarrog a Porthladd Mostyn ac hefyd ar safle yn ein gorsafoedd pŵer. Ni yw’r cynhyrchydd pŵer mwyaf yng Nghymru – gan gynhyrchu digon o drydan o’n gorsafoedd pŵer yng Nghymru i ddiwallu anghenion trydan y wlad i gyd. RWE hefyd yw’r cynhyrchydd ynni adnewyddadwy mwyaf yng Nghymru, gan gynhyrchu traean o’r holl ynni adnewyddadwy yma.
Dros y degawd diwethaf, rydym wedi buddsoddi ymhell dros £3 biliwn i gyflawni prosiectau yng Nghymru gyda phartneriaid. Mae ein buddsoddiadau mawr yn cynnwys Gorsaf Bŵer Penfro 2.2 GW (nwy), y prosiect gwynt ar y môr cyntaf ar raddfa fasnachol yn y DU sef Gogledd Hoyle, a fferm wynt Gwynt y Môr 576 megawatt (MW), a fuddsoddodd £90 miliwn yng Nghymru yn ystod y cyfnod adeiladu, ac ers hynny mae wedi creu dros 100 o swyddi medrus hirdymor ym Mhorthladd Mostyn.
Mae gennym hefyd ffermydd gwynt ar y tir yng Ngorllewin Coedwig Brechfa yn Sir Gaerfyrddin, Coedwig Clocaenog ger Rhuthun, a Mynydd y Gwair, yn Abertawe. Gyda’i gilydd, mae gan y prosiectau hyn gapasiti cynhyrchu o bron i 190 MW.
Caewyd ein gorsaf bŵer glo olaf yn y DU, yn Aberddawan, ym mis Mawrth 2020 ar ôl gweithredu am bron i 60 mlynedd.
Cyllid Cymunedol RWE yng Nghymru
Dros y blynyddoedd, mae prosiectau a weithredir gan RWE wedi cyfrannu £8.6 miliwn i gymunedau cyfagos o’r arian sy’n gysylltiedig â’n safleoedd ynni adnewyddadwy yng Nghymru. Mae’r cyllid cymunedol blynyddol yng Nghymru yn unig yn dod i fwy na £2.4 miliwn. Y bobl leol yn eu cymunedau sy’n penderfynu sut gaiff y cyllid hwn ei ddyrannu. Yn ddiweddar, mae bron i £400,000 wedi cael ei ddarparu i gefnogi cymunedau lleol yn eu hymateb i bandemig COVID.
Buddsoddi yng Nghymru
Mae ein sefyllfa yng Nghymru ar fin tyfu ymhellach - Awel y Môr (estyniad Gwynt y Môr) fydd y buddsoddiad ynni adnewyddadwy unigol mwyaf yng Nghymru yn y degawd nesaf. Rydym hefyd yn datblygu piblinell arall o oddeutu 150 MW o brosiectau gwynt ar y tir arloesol ledled Cymru, gan gynnwys cynlluniau perchnogaeth ar y cyd gan gymunedau.
Gyda’r biblinell hon, rydym yn gobeithio cynnal ein sefyllfa fel un o’r buddsoddwyr mwyaf yng Nghymru, gan gyflogi a hyfforddi gweithlu medrus yn uniongyrchol ar draws amrywiaeth o dechnolegau, yn ogystal â llawer mwy yn anuniongyrchol ar draws eu cadwyni cyflenwi perthnasol.
Mae RWE Renewables hefyd yn falch o fod yn hyrwyddwr clwstwr cadwyn gyflenwi newydd sbon yn rhanbarth Gogledd Cymru a Gogledd Orllewin Lloegr o’r enw Y Gynghrair Ynni ar y Môr sy’n cysylltu’n uniongyrchol ag ymrwymiadau a wnaed fel rhan o’r Fargen Sector Gwynt ar y Môr. Mae’r clwstwr yn ‘chwifio'r faner’ i fusnesau lleol, gan godi ymwybyddiaeth o’r cyfleoedd sydd ar y gweill mewn amrywiaeth o sectorau ynni carbon isel mewn ffordd amserol, gyda’r nod o gynyddu cyfranogiad a chynhwysiant lleol. Ar ben hynny, rydym yn cefnogi mentrau sy’n datblygu sgiliau ac amrywiaeth yn y rhanbarth, gan gynnwys cynllun prentisiaethau ac yn ymwneud â’r ganolfan beirianneg newydd yng Ngholeg Llandrillo.
Mae RWE wedi sefydlu hwb datgarboneiddio yng Ngorsaf Bŵer Penfro o dan y teitl Canolfan Sero Net Penfro (PNZC), sy’n cysylltu'r technolegau arloesol sydd eu hangen ar gyfer dyfodol carbon isel yn ne a gorllewin Cymru. Bydd PNZC yn cydlynu uno gweithgareddau datblygu RWE yn Rhanbarth y Môr Celtaidd, fel tair colofn benodol: 1) Datgarboneiddio Gorsaf Bŵer Penfro, gan gynnwys Dal a Storio Carbon ac astudiaethau dichonoldeb Hydrogen cychwynnol; 2) Cynhyrchu Hydrogen Gwyrdd gan gynnwys astudiaethau dichonoldeb ar gyfer datblygu electrolyser cychwynnol ‘braenaru’ 100-300MW ar safle Penfro ond hefyd edrych ar gyfleoedd ar raddfa GW yn y tymor hwy; a 3) Datblygiad Gwynt ar y Môr Arnofiol yn y Môr Celtaidd.
